Amodau
Ni welwyd eira sylweddol ar y mynydd mewn unrhyw le heddiw. Roedd rhai manion prin yn agos i'r copa, ond nid oeddynt o unrhyw faint i achosi unrhyw anhawster.

Mae eira neu rew newydd yn parhau yn bosib wythnos yma (gweler 'Gwybodaeth Ychwanegol' isod).

Diwrnod cymylog a gydag awel gref, gan brafio yn y prynhawn.

Offer hanfodol
Offer cerdded addas tymhorol, yn cynnwys goleuadau (fel lamp pen).

Bydd cario gogls eira (fel gogls sgïo) yn rhoi modd i warchod y llygaid rhag gwyntoedd oer ac eira yn lluwchio, gan ei gwneud yn rhwyddach i weld er mwyn teithio yn fwy diogel ar y mynydd.

Bydd cario caib rew a rhyw fath o bigau i'r traed yn rhoi dewisiadau i gadw'n ddiogel ar y mynydd os bydd eira neu rew yn datblygu (gweler isod).

Gwybodaeth Ychwanegol
Ar ddydd Mawrth yr adroddiad mae'r rhagolygon yn awgrymu bydd y tymheredd ar y copa o dan y rhewbwynt drwy ddydd Mercher ac i fewn i fore dydd Iau, ond y bydd yn agos i, neu uwchben y rhewbwynt wedi hyn. Mae darogan i'r tymheredd ar y copa fod cyn ised â -3˚C ddydd Mercher (gan deimlo cyn ised â -12˚C). Hyd yn oed pan fydd y tymheredd uwchben y rhewbwynt gall dal deimlo yn oer iawn.

Gyda darogan tymheredd o dan y rhewbwynt ar y copa, a chawodydd ar adegau, mae rhywfaint o eira neu rew yn datblygu yn bosib dydd Mercher. Os bydd hyn yn digwydd bydd unrhyw eira sy'n gafael yn debygol o barhau ar y mynydd i fewn i ddydd Iau o leiaf, ac o bosib hyd yr adroddiad nesaf dydd Gwener.