Amodau
Ni welwyd unrhyw eira yn ystod arsylwadau heddiw. Roedd ambell i ddarn bychan o rew a barrug mewn mannau cysgodol yn agos i'r copa, ond nid oeddynt yn ddigon sylweddol i achosi unrhyw fath o drafferthion.

Diwrnod braf gydag awel ysgafn ond oer.

Offer hanfodol
Offer cerdded addas tymhorol, yn cynnwys goleuadau (fel lamp pen).

Bydd cario pigau bychain (microspikes) yn rhoi dewisiadau i gadw'n ddiogel ar y mynydd os bydd eira neu rew yn datblygu (gweler isod).

Gwybodaeth Ychwanegol
Ar ddydd Gwener yr adroddiad mae'r rhagolygon yn awgrymu bydd y tymheredd ar y copa yn agos i, neu o dan y rhewbwynt ar adegau yn ystod y cyfnod hyd adroddiad olaf y tymor ddydd Mawrth. Mae yn ymddangos bydd y tymheredd yn oerach ar ddechrau y penwythnos, ac ychydig yn llai oer tua ddechrau'r wythnos. Mae darogan i'r tymheredd ar y copa fod cyn ised â -2˚C (gan deimlo cyn ised â -9˚C).

Nid yw eira sylweddol yn edrych yn debygol o ddatblygu o'r rhagolygon, ond gyda tymheredd o dan y rhewbwynt, a chawod neu ddwy yn bosib mae posibilrwydd o rywfaint o eira ar adegau. Gyda darogan am dymheredd gradd neu ddau o dan y rhewbwynt mae hefyd posibilrwydd am rywfaint o rew neu farrug, yn enwedig yn uchel ar y mynydd dros nos, ac yn gynnar yn y bore, dros y penwythnos.