Amodau
Dim eira na rhew unwaith eto heddiw ar gyfer adroddiad amodau dan draed yr Wyddfa olaf o’r tymor adrodd.

Diwrnod cymylog a llwyd, gyda gwynt oer, ond yn sych ar y cyfan er gwaetha ambell i ddiferyn o law mân yn y bore. Codi yn raddol yn y prynhawn.

Offer hanfodol
Offer cerdded addas tymhorol, yn cynnwys goleuadau (fel lamp pen neu ddwy bob un).

Gwybodaeth Ychwanegol
Ar ddydd Mawrth olaf yr adroddiad mae'r rhagolygon yn awgrymu bydd y tymheredd ar y copa yn parhau ychydig uwchben y rhewbwynt yn y dyddiau i ddod. Er hyn mae darogan i'r tymheredd fod yn oer ar adegau, gyda’r tymheredd ar y copa cyn ised â 1ºC (gan deimlo fel ei bod cyn ised  â -8ºC).

Er bod golygon yn troi tua’r haf bellach, a’r tebygolrwydd o amodau gaeafol yn lleihau mae hi dal yr un mor bwysig cadw llygaid ar y rhagolygon diweddaraf i wneud penderfyniadau addas am deithio ar y mynydd. Gyda'r tymheredd yn agos iawn i’r rhewbwynt ar adegau yn yr wythnos i ddod, dydy’r posibilrwydd o gyfnodau mwy gaeafaidd heb ddiflannu yn llwyr chwaith, hyd yn oed os bydd cyfnodau cynhesach hefyd.

Gan unwaith eto ddymuno haf hyfryd hirfelyn tesog yn llawn mynyddoedd, ac ambell antur i bawb, a gobeithio gai eich gweld eto gaeaf nesaf!

Gerwyn
Fyny a Lawr